ការប្រមូលព័ត៌មាន និងទិន្នន័យ
Outline មិនប្រមូលព័ត៌មានផ្ទាល់ខ្លួនទេ ប្រសិនបើអ្នកមិនជ្រើសរើសធ្វើការផ្ដល់ព័ត៌មានដូចនេះ។ Outline ក៏មិនប្រមូលព័ត៌មានអំពីគេហទំព័រដែលអ្នកចូលមើល ឬក៏មនុស្សឬអ្វីដែលអ្នកទាក់ទងជាមួយដែរ។
ប្រសិនបើអ្នកកំពុងបង្កើត ឬចូលគណនីតាមក្រុមហ៊ុនផ្ដល់សេវាប្រព័ន្ធពពកភាគីទីបីតាមរយៈ Outline Manager យើងមិនទទួលបានព័ត៌មានទាំងឡាយដែលអ្នកផ្ដល់ឱ្យក្រុមហ៊ុនផ្ដល់សេវាប្រព័ន្ធពពកភាគីទីបី ដូចជាអាសយដ្ឋានអ៊ីមែល ឈ្មោះ ព័ត៌មានទូទាត់វិក្កយបត្រ និងព័ត៌មានលម្អិតអំពីការទូទាត់ប្រាក់នោះទេ។
ព័ត៌មានដែលយើងទទួលបានដោយស្វ័យប្រវត្តិ
យើងប្រមូលព័ត៌មានពីរប្រភេទដោយស្វ័យប្រវត្តិ។
- IP ម៉ាស៊ីនមេ
IP ម៉ាស៊ីនមេ Outline ត្រូវបានប្រមូលដោយ Quay.io និងអាចឱ្យយើងចូលប្រើបាន នៅពេលម៉ាស៊ីនមេធ្វើបច្ចុប្បន្នភាពដោយស្វ័យប្រវត្តិដោយប្រើការកែលម្អមុខងារ និងសុវត្ថិភាពចុងក្រោយបំផុត។ IP ម៉ាស៊ីនមេអាចកំណត់ក្រុមហ៊ុនផ្ដល់សេវាម៉ាស៊ីនមេលើប្រព័ន្ធពពក និងទីក្រុងដែលម៉ាស៊ីនមេ Outline ត្រូវបានរៀបចំ ប៉ុន្តែមិនផ្ដល់ព័ត៌មានអំពីអ្នកដែលកំពុងដំណើរការម៉ាស៊ីនមេ ឬអ្នកដែលកំពុងចូលប្រើម៉ាស៊ីនមេនោះឡើយ។
- ព័ត៌មានបច្ចេកទេសដែលមិនបញ្ជាក់អត្តសញ្ញាណបុគ្គល
ប្រសិនបើ Outline គាំង ឬមានបញ្ហាខុសប្រក្រតីធ្ងន់ធ្ងរកើតឡើង ឬប្រសិនបើអ្នកផ្ញើមតិកែលម្អដោយផ្ទាល់ដៃតាមរយៈកម្មវិធី Outline នោះព័ត៌មានដែលបង្ហាញខាងក្រោមនឹងត្រូវបានរាយការណ៍។ ព័ត៌មាននេះនឹងត្រូវបានប្រើប្រាស់ ដើម្បីជួយសម្គាល់ និងដោះស្រាយបញ្ហាប្រតិបត្តិការ ឬស្ថិរភាពតែប៉ុណ្ណោះ។
- ប្រទេស
- ភាសា
- កាលបរិច្ឆេទ និងពេលវេលានៃការគាំង / បញ្ហាខុសប្រក្រតី និងព្រឹត្តិការណ៍មុនៗរហូតដល់ 100 ដូចជាក្នុងករណីដែលអ្នកប្រើប្រាស់បើកផ្នែក ‘អំពី’ ជាដើម
- សារបញ្ហាខុសប្រក្រតីដែលបានចងក្រងក្នុងលក្ខណៈថេរ
- កំណែ និងឈ្មោះប្រព័ន្ធប្រតិបត្តិការ
- ម៉ូដែលទូរសព្ទ (ប្រសិនបើមាន)
- ពេលចាប់ផ្ដើមកម្មវិធី
- កម្មវិធីរុករកតាមអ៊ីនធឺណិត
- ស្ថាបត្យកម្ម
- លេខកំណែបង្កើត និងកំណែ Outline
ព័ត៌មាននេះត្រូវបានផ្ទេរដោយប្រើ HTTPS ទៅកាន់ Sentry (sentry.io) ដែលជាក្រុមហ៊ុនផ្ដល់សេវាតាមដានបញ្ហាកូដចំហភាគីទីបី។ Sentry ប្រើប្រាស់សេវាកម្ម និងបច្ចេកវិទ្យាស្ដង់ដាឧស្សាហកម្មផ្សេងៗ ដើម្បីរក្សាសុវត្ថិភាពទិន្នន័យរបស់អ្នកពីការបាត់បង់ ការប្រើប្រាស់ ការបញ្ចេញព័ត៌មាន និងការចូលប្រើដោយគ្មានការអនុញ្ញាត។ ប្រសិនបើអ្នកមានសំណួរអំពីគោលការណ៍របស់ Sentry សូមចូលទៅកាន់ https://sentry.io/security/ និង https://sentry.io/privacy/ ឬទាក់ទងទៅ [email protected]។ គ្រប់ទិន្នន័យ Outline ដែលរក្សាទុកដោយ Sentry ត្រូវបានរឹតបន្តឹង ដូច្នេះមានតែសមាជិកក្រុមការងាររបស់ Outline ប៉ុណ្ណោះទើបអាចចូលប្រើទិន្នន័យនោះបាន។
ព័ត៌មានដែលយើងទទួលបាន តែនៅពេលអ្នកជ្រើសរើសចែករំលែកប៉ុណ្ណោះ
Outline រាយការណ៍ព័ត៌មានដូចខាងក្រោមទៅក្រុមការងារ Outline នៅពេលអ្នកជ្រើសរើសចែករំលែក។
- មេទ្រិកនៃការប្រើប្រាស់
ម៉ាស៊ីនមេ Outline នីមួយៗប្រមូលដោយស្វ័យប្រវត្តិនូវចំនួនបៃដែលបានផ្ទេរ រយៈពេលដែលអ្នកប្រើប្រាស់ត្រូវបានភ្ជាប់ទៅម៉ាស៊ីនមេ ប្រទេសនិងប្រព័ន្ធស្វយ័តប្រភពដើមនៃព័ត៌មានផ្ទៀងផ្ទាត់ដែលបានប្រើ និងថាតើមុខងារទាំងឡាយត្រូវបានបើកឬបិទ ក្នុងរយៈពេលមួយម៉ោងចុងក្រោយ និងផ្អែកលើលេខកូដចូលប្រើ។ ខ្លឹមសារទំនាក់ទំនង និងទិន្នន័យមេតាទាំងឡាយដែលបញ្ជាក់អត្តសញ្ញាណបុគ្គល (ឧ. ការចូលគណនី អ៊ីមែល លេខសម្គាល់ឧបករណ៍ ។ល។) សុទ្ធតែមិនត្រូវបានចុះកំណត់ហេតុទេ។ មេទ្រិកទាំងអស់ត្រូវបានភ្ជាប់ទៅលេខកូដសម្គាល់ម៉ាស៊ីនមេ។ ការណែនាំសម្រាប់ការផ្លាស់ប្ដូរលេខកូដសម្គាល់ម៉ាស៊ីនមេអាចរកបាននៅទីនេះ។
តាមលំនាំដើម ម៉ាស៊ីនមេ Outline មិនចែករំលែកមេទ្រិកទាំងនេះជាមួយក្រុមការងារ Outline ទេ។ ប្រសិនបើអ្នកគ្រប់គ្រងម៉ាស៊ីនមេជ្រើសរើសច្បាស់ៗថាចែករំលែកមេទ្រិកនៃការប្រើប្រាស់ ព័ត៌មាននេះនឹងត្រូវបានផ្ញើដោយសុវត្ថិភាពទៅកាន់ក្រុមការងារ Outline ជារៀងរាល់ម៉ោង។ ក្រោយពេល 60 ថ្ងៃ មេទ្រិកនៃការប្រើប្រាស់នឹងត្រូវបានបូកសរុបទៅជាកម្រិតប្រទេស។ អ្នកគ្រប់គ្រងម៉ាស៊ីនមេអាចផ្លាស់ប្ដូរចំណូលចិត្តក្នុងការចែករំលែកមេទ្រិកនៃការប្រើប្រាស់របស់ពួកគេនៅពេលណាក៏បាន ដោយចូលទៅកាន់ម៉ឺនុយ ‘ការកំណត់’ នៅក្នុង Outline Manager។
យើងសូមអរគុណដែលអ្នកចែករំលែកជាមួយយើងនូវមេទ្រិកអនាមិកអំពីការប្រើប្រាស់ម៉ាស៊ីនមេរបស់អ្នក ដោយសារយើងប្រើប្រាស់មេទ្រិកទាំងនេះ ដើម្បីវាស់និន្នាការនៃការប្រើប្រាស់ និងកែលម្អផលិតផល។
ឧទាហរណ៍ ប្រសិនបើអ្នកគ្រប់គ្រងម៉ាស៊ីនមេជ្រើសរើសចែករំលែកមេទ្រិកនៃការប្រើប្រាស់ជាមួយយើង នោះយើងអាចទទួលបានព័ត៌មានដែលបញ្ជាក់ថា ម៉ាស៊ីនមេដែលមានលេខកូដសម្គាល់ 12345 ត្រូវបានប្រើប្រាស់រយៈពេល 3 ម៉ោងកាលពីថ្ងៃម្សិលមិញ ដោយផ្ទេរទិន្នន័យសរុបចំនួន 500 មេកាបៃពីលេខកូដចំនួនបី ដែលលេខកូដនីមួយៗត្រូវបានប្រើនៅសហរដ្ឋអាមេរិក និងកាណាដា ដោយបានបើកមុខងារដែនកំណត់ទិន្នន័យ។
- អ៊ីមែល និងមតិរបស់អ្នក ប្រសិនបើអ្នកដាក់បញ្ជូនមតិកែលម្អ
Outline Manager និងកម្មវិធី Outline អនុញ្ញាតឱ្យអ្នកដាក់បញ្ជូនមតិកែលម្អទៅក្រុមការងារ។ យើងណែនាំមិនឱ្យរួមបញ្ចូលព័ត៌មានបញ្ជាក់អត្តសញ្ញាណបុគ្គល ប៉ុន្តែកន្លែងបញ្ចូលអ៊ីមែលអាចមានផ្ដល់ជូនជាជម្រើស ប្រសិនបើអ្នកចង់ទទួលបានការឆ្លើយតបពីក្រុមការងារ។ យើងក៏ប្រមូលព័ត៌មានមូលដ្ឋានមួយចំនួនដោយស្វ័យប្រវត្តិផងដែរ ដើម្បីឱ្យយើងអាចយល់អំពីមតិកែលម្អរបស់អ្នក។ សូមមើលចំណុចទី 2 ខាងលើ នៅក្រោម “ព័ត៌មានដែលយើងទទួលបានដោយស្វ័យប្រវត្តិ” ដើម្បីដឹងថាទិន្នន័យអ្វីខ្លះដែលយើងប្រមូល។ ស្វែងយល់បន្ថែមអំពីការអនុវត្តសន្តិសុខ និងឯកជនភាពរបស់ Outline នៅទីនេះ។
ប្រសិនបើអ្នកកំពុងប្រើប្រាស់កំណែបេតារបស់កម្មវិធី Outline នៅលើ Android យើងអាចប្រើប្រាស់សេវា Firebase របស់ Google ដើម្បីប្រមូលព័ត៌មានជួសជុលដែលអាចជួយឱ្យយើងរកឃើញបញ្ហា និងកែលម្អ Outline។ អ្នកអាចស្វែងយល់បន្ថែមអំពីគោលការណ៍ឯកជនភាព និងសន្តិសុខរបស់ Firebase ពីគេហទំព័ររបស់ពួកគេ៖ firebase.google.com/support/privacy។ ប្រសិនបើអ្នកមិនចង់ឱ្យ Outline ផ្ញើព័ត៌មាននេះតាមរយៈ Firebase ទេ សូមប្រើប្រាស់កំណែសម្រាប់អ្នកប្រើប្រាស់ទាំងអស់របស់កម្មវិធី។