Прибирање податоци и информации

Outline не прибира лични податоци освен ако се согласите да ги обезбедите. Outline не прибира ни податоци за веб-сајтовите што ги отворате или со кои или за што комуницирате.

Ако создавате или се најавувате на сметка со оператор на облак од трета страна преку Outline Manager, не добиваме ниеден од податоците што му ги обезбедувате на вашиот оператор на облак од трета страна, како што се вашата адреса на е-пошта, име, податоци за наплата и детали за плаќање.

Податоци што ги добиваме автоматски

Прибираме два типа податоци автоматски.

IP на сервер

IP-адресата на серверот на Outline ја прибира Quay.io, а до неа може да пристапиме кога серверот автоматски ќе се ажурира со најновите подобрувања на безбедноста и функциите. IP-адресата на серверот може да го идентификува операторот на сервер во облак и градот во којшто е поставен серверот на Outline, но тоа не обезбедува податоци за тоа кој го извршува или кој пристапува до серверот.

Технички податоци што не откриваат идентитет

Ако Outline падне или се јави фатален исклучок или ако рачно испратите повратни информации преку апликацијата Outline, ќе се пријават податоците наведени подолу. Податоциве ќе се користат само како помош при препознавање и решавање проблеми со стабилноста или изведбата.

Земја
Локален стандард
Датумот и времето на падот/исклучокот и до 100 претходни настани, на пр., даден корисник го отворил делот „За“
Статично составени пораки за исклучок
Име и верзија на OS
Модел на телефон (ако има)
Време на стартување на апликацијата
Прелистувач
Архитектура
Верзија и број на верзија на Outline

Податоциве се префрлаат со HTTPS во Sentry (sentry.io), давател на услуги на софтвер со отворен код за следење грешки од трети страни. Sentry користи различни технологии и услуги стандардни за индустријата за да ги заштити вашите податоци од неовластено пристапување, откривање, користење и губење. Ако имате прашања за правилата на Sentry, одете на https://sentry.io/security/ и https://sentry.io/privacy/ или контактирајте со [email protected]. Сите податоци за Outline складирани од Sentry се ограничени, па до нив може да пристапат само членови на тимот на Outline.

Податоци што ги добиваме само откако ќе прифатите

Outline ги пријавува следниве податоци до тимот на Outline откако ќе прифатите.

Метрика на користење

Секој сервер на Outline автоматски прибира податоци (за последниот час и за секој клуч за пристап) за бројот на префрлени бајти, вкупното време додека даден корисник бил поврзан на серверот, земјите и автономните системи на потекло на користените акредитиви и дали некои функции се овозможени или оневозможени. Не се евидентираат ниту содржините на комуникацијата ниту метаподатоците што откриваат идентитет (на пр., најавувања, е-пораки, ID на уреди итн.). Целокупната метрика е поврзана со ID на сервер. Инструкции за променување на ID на серверот може да најдете тука.

Стандардно, серверите на Outline не ја споделуваат метрикава со тимот на Outline. Ако администраторот на серверот јасно прифати да се споделува метриката на користење, податоциве безбедно ќе се испраќаат до тимот на Outline на секој час. По 60 дена, метриката на користење ќе се собере на нивото на земјата. Администраторите на серверите може да ја променуваат својата поставка за споделување метрика на користење кога било во менито „Поставки“ во Outline Manager.

Го цениме тоа што со нас споделувате анонимна метрика на користењето на вашиот сервер бидејќи ја користиме за мерење на трендовите на користење и подобрување на производот.

На пример, ако администраторот на серверот прифати да ја споделува метрика на користење со нас, можно е да добиеме податоци што укажуваат на тоа дека серверот со ID 12345 се користел 3 часа вчера, при што се префрлиле вкупно 500 мегабајти податоци, од три клуча што се користеле во Соединетите Американски Држави и Канада, со овозможена функција за ограничувања на интернетот.

Вашите коментари и е-пораки ако испратите повратни информации

Outline Manager и апликациите на Outline ви овозможуваат да испраќате повратни информации до тимот. Препорачуваме да не опфаќате податоци што откриваат идентитет, а ако сакате да добиете одговор од тимот, достапно е незадолжително поле за адреса на е-пошта. Автоматски прибираме и некои основни податоци за да може да ги разбереме вашите повратни информации. Погледнете ја ставката 2 погоре, во делот „Податоци што ги добиваме автоматски“ за да видите кои податоци ги прибираме. Дознајте повеќе за практиките за безбедност и приватност на Outline тука.

Ако користите бета-верзија на апликацијата Outline на Android, може да ја користиме услугата Firebase на Google за да прибирате податоци за отстранување грешки што ќе ни помогнат да откриваме проблеми и да ја подобриме Outline. Повеќе информации за политиките за приватност и безбедност на Firebase може да најдете на нивниот веб-сајт: firebase.google.com/support/privacy. Ако не сакате Outline да ги испраќа податоциве преку Firebase, користете ја производната верзија на апликацијата.