តើខ្ញុំដាក់ដែនកំណត់ទិន្នន័យលើលេខកូដចូលប្រើដោយរបៀបណា?

អ្នកអាចដាក់ដែនកំណត់ទិន្នន័យដែលនឹងអនុវត្តចំពោះលេខកូដចូលប្រើទាំងអស់។ ដើម្បីដាក់ដែនកំណត់ សូមបើក Outline Manager រួចចូលទៅកាន់ "ការកំណត់"។ នៅទីនោះ អ្នកនឹងឃើញប៊ូតុងបិទ/បើកដែនកំណត់ទិន្នន័យ ដែលនៅពេលបើក អនុញ្ញាតឱ្យអ្នកដាក់ដែនកំណត់។

Data limits setting in Outline Manager

នៅពេលអ្នកដាក់ដែនកំណត់ អ្នកអាចឃើញថាអ្នកប្រើប្រាស់ម្នាក់ៗប្រើជិតដល់ដែនកំណត់ប៉ុនណានៅលើទំព័រកូដចូលប្រើ ដែលក្រាហ្វរបារបង្ហាញការប្រើទិន្នន័យក្នុងរយៈពេល 30 ថ្ងៃចុងក្រោយ។

Outline Manager's Access Key page

បន្ថែមពីលើលទ្ធភាពដាក់ដែនកំណត់សម្រាប់លេខកូដចូលប្រើទាំងអស់របស់អ្នក អ្នកអាចផ្ដល់ដែនកំណត់ទិន្នន័យផ្ទាល់ខ្លួនឱ្យលេខកូដនីមួយៗបាន។ ការកំណត់នេះនឹងលុបពីលើដែនកំណត់ទិន្នន័យលំនាំដើមណាមួយដែលអ្នកបានដាក់ ប៉ុន្តែប្រសិនបើអ្នកមិនបានដាក់ដែនកំណត់ទិន្នន័យលំនាំដើមទេ អ្នកនៅតែអាចដាក់ដែនកំណត់ទិន្នន័យសម្រាប់លេខកូដណាមួយបានដដែល។

ដើម្បីដាក់ដែនកំណត់លើការផ្ទេរទិន្នន័យរបស់លេខកូដ សូមបើក Outline Manager ហើយចូលទៅកាន់ផ្ទាំង "ការតភ្ជាប់" ដែលមានលេខកូដដែលអ្នកចង់ដាក់ដែនកំណត់ រួចចុចលើម៉ឺនុយនៅផ្នែកខាងស្តាំនៃជួរដេករបស់លេខកូដ។ ពីទីនោះ ចុចលើ "ដែនកំណត់ទិន្នន័យ"។ ដើម្បីប្ដូរដែនកំណត់ទិន្នន័យលើ "កូដចូលប្រើរបស់ខ្ញុំ" សូមចុចរូបដែនកំណត់ទិន្នន័យ រូបភាពនេះមិនអាចបង្ហាញបានទេ ដោយសារ៖ អ្នកមិនមានសិទ្ធិមើលវា ឬវាត្រូវបានដកចេញពីប្រព័ន្ធហើយ ។

Selecting the data limit setting icon for an individual access key

ជ្រើសរើស "ដាក់ដែនកំណត់ទិន្នន័យតាមបំណង"។ នៅពេលដែលអ្នកបានជ្រើសរើសប្រអប់ធីកនេះ កន្លែងបញ្ចូលមួយនឹងបង្ហាញឡើង ហើយអ្នកអាចដាក់ដែនកំណត់ទិន្នន័យតាមបំណងក្នុងកន្លែងបញ្ចូលនេះសម្រាប់លេខកូដនោះ។ ចុចលើប៊ូតុង "រក្សាទុក" នៅពេលអ្នករួចរាល់ ដើម្បីរក្សាទុកដែនកំណត់ទិន្នន័យនោះ។

Setting a data limit for an individual access key

នៅពេលដែលអ្នកបានរក្សាទុកដែនកំណត់លើការផ្ទេរទិន្នន័យរបស់អ្នកសម្រាប់លេខកូដដែលបានជ្រើសរើស ដែនកំណត់នឹងបង្ហាញនៅលើអេក្រង់ចម្បង រួមជាមួយនឹងការប្រើទិន្នន័យ (ក្នុងរយៈពេល 30 ថ្ងៃចុងក្រោយ) សម្រាប់លេខកូដនីមួយៗ។

ដើម្បីលុបដែនកំណត់ទិន្នន័យពីកូដចូលប្រើ សូមចូលទៅកាន់ប្រអប់ដែនកំណត់ទិន្នន័យរបស់កូដដូចពីមុន ដោះធីកប្រអប់ដែលមានស្លាក "ដាក់ដែនកំណត់ទិន្នន័យតាមបំណង" រួចចុចប៊ូតុង "រក្សាទុក"។

Removing the data limit on an individual access key

សំណួរដែលសួរញឹកញាប់អំពីដែនកំណត់ទិន្នន័យ

តើអ្វីជាដែនកំណត់ទិន្នន័យបង្គររយៈពេល 30 ថ្ងៃ?

ដែនកំណត់ទិន្នន័យបង្គររយៈពេល 30 ថ្ងៃនឹងបូកសរុបការប្រើប្រាស់របស់លេខកូដនីមួយៗក្នុងរយៈពេល 30 ថ្ងៃចុងក្រោយ និងរក្សាឱ្យការប្រើប្រាស់របស់លេខកូដក្នុងរយៈពេលនោះនៅក្រោមដែនកំណត់។ ជាលទ្ធផល លេខកូដមិនអាចប្រើលើសពីដែនកំណត់ក្នុងអំឡុងពេល 30 ថ្ងៃណាមួយទេ រួមទាំងខែក្នុងប្រតិទិនដែលមានរយៈពេល 30 ថ្ងៃ ឬតិចជាងនេះ។ ជារួម មានន័យថាទិន្នន័យដែលអ្នកប្រើប្រាស់ម្នាក់ៗមាននឹងកើនឡើងជារៀងរាល់ថ្ងៃតាមបរិមាណដែលបានប្រើកាលពី 31 ថ្ងៃមុន។

ហេតុអ្វី Outline ប្រើដែនកំណត់បង្គរ?

ដែនកំណត់បង្គរផ្ដល់ជូនការធានារៀងរាល់រយៈពេល 30 ថ្ងៃម្ដង ដែលមានន័យថា ដែនកំណត់បែបនេះងាយស្រួលកំណត់រចនាសម្ព័ន្ធជាងដែនកំណត់ជាប្រចាំ (ដូចជាថ្ងៃនៃខែដែលអាចប្ដូរតាមបំណង) ព្រមទាំងផ្ដល់ការធានាស្រដៀងគ្នា។ ដែនកំណត់បែបនេះក៏ត្រូវគ្នានឹងការបង្ហាញដែលមានស្រាប់សម្រាប់ការប្រើប្រាស់ទិន្នន័យ Outline ក៏ដូចជាឧបករណ៍ទូទៅផ្សេងៗ ដូចជាសេវាកម្មស្ថិតិវិភាគ និងស្ថិតិម៉ាស៊ីនមេផងដែរ។

តើទិន្នន័យអ្វីដែលត្រូវបានរាប់បញ្ចូលនៅក្នុងដែនកំណត់ទិន្នន័យ?

ទិន្នន័យចេញពីម៉ាស៊ីនមេរបស់លេខកូដចូលប្រើនីមួយៗត្រូវបានរាប់បញ្ចូលក្នុងចំនួនសរុប។ និយាយឱ្យចំទៅ មានន័យថាជាទិន្នន័យដែលបានបញ្ជូនជំនួសឱ្យលេខកូដចេញពីម៉ាស៊ីនមេ ក៏ដូចជាបញ្ជូនចូលទៅកម្មវិធីភ្ញៀវវិញដែរ។ ជាក់ស្តែង ទិន្នន័យនេះគួរតែស្របគ្នាខ្លាំងទៅនឹងចរាចរណ៍ដែលបានបញ្ជូនពីលេខកូដទៅកាន់ម៉ាស៊ីនមេ និងត្រឡប់មកវិញ ដូច្នេះយើងសង្ឃឹមថាវានឹងដូចគ្នាទៅនឹងចំនួនសរុបពីអ្នកប្រើប្រាស់របស់អ្នក។ យើងបានជ្រើសរើសទិន្នន័យចេញ ដោយសារនោះជាអ្វីដែលក្រុមហ៊ុនផ្ដល់សេវាប្រព័ន្ធពពកដែលយើងបានស្ទង់មតិ ធ្វើការទូទាត់ក្នុងវិក្កយបត្រ។

តើអ្នកប្រើប្រាស់នឹងទទួលបានការជូនដំណឹងដែរឬទេ ប្រសិនបើពួកគេប្រើលើសដែនកំណត់ទិន្នន័យរបស់ពួកគេ?

ឥឡូវមិនទទួលបានទេ។ ក្រុមហ៊ុនផ្ដល់សេវាប្រព័ន្ធពពកជាច្រើនរួមបញ្ចូលដែនកំណត់ ដូចជា 1TB សម្រាប់រយៈពេលពេញមួយខែ ដែលអាចបែងចែកឱ្យអ្នកប្រើប្រាស់ 10 នាក់ប្រើនៅកម្រិត 100 GB ក្នុងម្នាក់ ឬអ្នកប្រើប្រាស់ 100 នាក់ប្រើនៅកម្រិត 10 GB ក្នុងម្នាក់។ ដែនកំណត់បែបនេះមានទំហំធំ ហើយយើងមិនរំពឹងថា អ្នកប្រើប្រាស់ជាច្រើននឹងប្រើដល់ដែនកំណត់បែបនេះទេ។ យើងសង្ឃឹមថា អ្នកប្រើប្រាស់នឹងទាក់ទងទៅអ្នកគ្រប់គ្រងម៉ាស៊ីនមេ នៅពេលពួកគេឈានដល់ដែនកំណត់របស់ពួកគេ។ ទោះជាយ៉ាងណាក៏ដោយ យើងរីករាយនឹងទទួលមតិយោបល់ពីអ្នកទាក់ទងនឹងរបៀបដែលការជូនដំណឹងអាចជួយដល់ករណីប្រើប្រាស់របស់អ្នកបាន ហើយអ្នកអាចទាក់ទងមកយើងនៅទីនេះ។

តើអ្នកប្រើប្រាស់នឹងទទួលបានការជូនដំណឹងដែរឬទេ ប្រសិនបើពួកគេជិតឈានដល់ដែនកំណត់ទិន្នន័យរបស់ពួកគេ?

បរិមាណទិន្នន័យថ្មីដែលអ្នកប្រើប្រាស់ម្នាក់នឹងទទួលបានពេលជិតឈានដល់ដែនកំណត់របស់គាត់ នឹងប្រែប្រួលទៅតាមថ្ងៃ ព្រោះបរិមាណនេះផ្អែកលើការប្រើប្រាស់របស់គាត់កាលពី 30 ថ្ងៃមុន។ យើងគិតថា សារប្រុងប្រយ័ត្នទំនងជាធ្វើឱ្យអ្នកប្រើប្រាស់ចុងក្រោយភាន់ច្រឡំជាជាងជួយពួកគេ។ យើងរីករាយនឹងទទួលមតិកែលម្អរបស់អ្នកទាក់ទងនឹងការធ្វើបែបនេះនៅទីនេះ។

តើខ្ញុំអាចកំណត់ការប្រើទិន្នន័យរបស់អ្នកប្រើប្រាស់ឡើងវិញបានទេ?

ទេ ដែនកំណត់របស់អ្នកប្រើប្រាស់រួមបញ្ចូលការប្រើទិន្នន័យក្នុងរយៈពេល 30 ថ្ងៃចុងក្រោយជានិច្ច។ ប៉ុន្តែអ្នកអាចបង្កើនដែនកំណត់ទិន្នន័យនៃលេខកូដរបស់គាត់ ឬបង្កើតលេខកូដថ្មីសម្រាប់គាត់។

ហេតុអ្វីអ្នកប្រើប្រាស់មួយចំនួនរបស់ខ្ញុំបានបាត់បង់សិទ្ធិចូលប្រើភ្លាមៗ នៅពេលខ្ញុំបើកដែនកំណត់ទិន្នន័យ?

ដែនកំណត់ទិន្នន័យគឺផ្អែកលើការផ្ទេរទិន្នន័យ 30 ថ្ងៃមុនរបស់អ្នកប្រើប្រាស់ ដែលត្រូវបានកត់ត្រា មិនថាដែនកំណត់ទិន្នន័យត្រូវបានបើកឬអត់នោះទេ។ អាចមានករណីដែលអ្នកប្រើប្រាស់ពាក់ព័ន្ធបានប្រើលើសដែនកំណត់ស្រាប់ហើយ មុនពេលដែនកំណត់ត្រូវបានដាក់ឱ្យដំណើរការ។ សូមចំណាំផងដែរថា ដែនកំណត់ទិន្នន័យទាំងអស់ត្រូវបានអនុវត្ត សូម្បីតែនៅពេលផ្លាស់ប្ដូរដែនកំណត់ទិន្នន័យរបស់លេខកូដតែមួយក៏ដោយ។

តើខ្ញុំអាចដាក់ដែនកំណត់ម៉ាស៊ីនមេទាំងមូល ដូចជា “1 TB ក្នុងរយៈពេល 30 ថ្ងៃ” បានដែរឬទេ?

ឥឡូវមិនបានទេ។ យើងចង់ដឹងបន្ថែមទៀតអំពីករណីប្រើប្រាស់របស់អ្នកនៅទីនេះ។

ប្រសិនបើមានដែនកំណត់ទិន្នន័យលំនាំដើម និងដែនកំណត់ទិន្នន័យលើលេខកូដជាក់លាក់ តើមួយណានឹងត្រូវអនុវត្ត?

ដែនកំណត់ទិន្នន័យរបស់លេខកូដជាក់លាក់នឹងលុបពីលើរាល់ដែនកំណត់ទិន្នន័យលំនាំដើម (ប្រសិនបើមាន) ដែលអ្នកបានកំណត់។

តើខ្ញុំអាចដាក់ដែនកំណត់ទិន្នន័យសម្រាប់លេខកូដជាក់លាក់ដោយមិនដាក់ដែនកំណត់ទិន្នន័យលំនាំដើមបានទេ?

បាទ/ចាស បាន។ អ្នកមិនចាំបាច់ដាក់ដែនកំណត់លំនាំដើម ដើម្បីដាក់ដែនកំណត់ទិន្នន័យលើលេខកូដណាមួយនោះទេ។ ឧទាហរណ៍ អ្នកអាចដាក់ដែនកំណត់លើលេខកូដមួយដែលអ្នកគិតថាអាចត្រូវបានចែករំលែកយ៉ាងទូលំទូលាយ ដើម្បីការពារខ្លួនឯងពីការផ្ទេរទិន្នន័យច្រើនជ្រុលតាមរយៈលេខកូដនោះ។