តើខ្ញុំលុបម៉ាស៊ីនមេ Outline របស់ខ្ញុំដោយរបៀបណា?
សម្រាប់ក្រុមហ៊ុនផ្ដល់សេវាប្រព័ន្ធពពកភាគច្រើន ការដកម៉ាស៊ីននិម្មិតជាក់លាក់ដែលអ្នកកំពុងប្រើប្រាស់ចេញ ពិតជាងាយស្រួល។
ប្រសិនបើអ្នកកំពុងប្រើប្រាស់ DigitalOcean ជាក្រុមហ៊ុនផ្ដល់សេវាប្រព័ន្ធពពករបស់អ្នក អ្នកអាចលុបម៉ាស៊ីននិម្មិតដែលមានស្រាប់របស់អ្នកដោយចុចលើប៊ូតុងស្ពឺ រួចជ្រើសរើស "លុបម៉ាស៊ីនមេ"។ ភ្លាមៗបន្ទាប់ពីនោះ អ្នកនឹងត្រូវបានប្រាប់ឱ្យបង្កើតម៉ាស៊ីននិម្មិតថ្មីនៅក្នុងទីតាំងដែលអ្នកជ្រើសរើស។
ប្រសិនបើអ្នកដកម៉ាស៊ីនមេ Outline ចេញ ម៉ាស៊ីនមេនោះនឹងត្រូវបានលុបជាអចិន្ត្រៃយ៍ ហើយលេខកូដចូលប្រើរបស់ម៉ាស៊ីនមេនោះនឹងមិនដំណើរការទៀតទេ។ ប្រសិនបើអ្នកមិនចង់ឱ្យមានមនុស្សរងការរំខានក្នុងការចូលប្រើរបស់ពួកគេតាមរយៈ Outline ទេ អ្នកនឹងត្រូវរៀបចំម៉ាស៊ីនមេ Outline ថ្មី និងចែករំលែកសិទ្ធិចូលប្រើម៉ាស៊ីនមេថ្មីនោះ មុនពេលលុបម៉ាស៊ីនមេចាស់របស់អ្នក។