Je, inagharimu kiasi gani kutumia Outline?

Programu ya Outline hailipishwi kwa mtu yeyote, iwe wewe ni msimamizi wa seva anayedhibiti VPN au mtu anayetumia Outline kufikia intaneti wazi.

Hata hivyo, Outline inahitaji kufikia seva ya wingu ili iweze kutekeleza. Wasimamizi wa seva ambao tayari wana idhini ya kufikia seva wanaweza kuweka Outline kwenye seva hiyo bila gharama ya ziada. Wale wasio na uwezo wa kufikia seva wanaweza kupata idhini ya kufikia kutoka kwa mtoa huduma za wingu, kama vile DigitalOcean au Huduma za Amazon kupitia Wavuti, kwa takriban USD $5 kwa mwezi. Bei hiyo inaruhusu uhamishaji wa terabaiti 1 ya data, unaotosha kuwasaidia mamia ya watumiaji kwenye seva moja.

Mfano wa jinsi unavyoweza kuhesabu gharama ya kutumia Outline kupitia mtoa huduma za wingu umpendaye:

Ikichukuliwa kwamba kila mtumiaji anahamisha gigabaiti 5 za data kila mwezi, mpango wa USD $5 kwa mwezi unaweza kuruhusu takriban watumiaji 200 kwa wakati mmoja, kwa hivyo gharama kwa kila mtumiaji itakuwa senti 2.5 tu kila mwezi. Kumbuka kwamba uhamishaji wa data wa kila mwezi utatofautiana sana kwa kila mtumiaji ikitegemea kama watumiaji wanafanya shughuli zinazotumia kipimo data cha chini au cha juu, lakini watoa huduma wengi wa wingu watajipanua ili kuhimili ongezeko shughuli za mtandaoni.

Kimsingi, kutumia Outline hakukutambulishi kamwe kwenye Jigsaw wala Google. Hatufuatilii utambulisho wala shughuli zako mtandaoni na hakuna mpango wa uchumaji wa mapato. Badala yake, tunafanya kazi na jumuiya yetu ya programu huria kuhakikisha kuwa tunaweza kutoa programu bila kulipia kwa watumiaji wetu. Pata maelezo zaidi kuhusu data tunayokusanya hapa.