Outline қолданбасын іске қосу қанша тұрады?

Сіз VPN басқаратын сервер әкімшісі болсаңыз да, Outline-ды ашық интернетке кіру үшін пайдалансаңыз да, Outline бағдарламалық құралы бәріне тегін беріледі.

Outline-ды іске қосу үшін бұлт серверін пайдалану рұқсаты қажет. Серверге кіруге рұқсаты бар сервер әкімшілері Outline-ды оған артық шығынсыз орната алады. Серверге кіре алмайтындар DigitalOcean немесе Amazon Web Services сияқты бұлт қызметтері провайдерінен 1 терабайт деректі тасымалдау үшін айына $5 сомасымен кіру рұқсатын ала алады. Бұл бір серверде жүздеген пайдаланушыға қолдау көрсетуге жетеді.

Таңдаған бұлт қызметтері провайдерінің Outline-ды іске қосу құны қанша тұратынын есептеу жолының мысалы:

Орташа айлық деректер тасымалы әр пайдаланушыға 5 гигабайттан келеді деп есептесек, айына $5 тұратын жоспар бір уақытта 200-ге жуық пайдаланушыға қызмет көрсетуге мүмкіндік береді, бұл айына әр пайдаланушы үшін 2,5 центті құрайды. Бір пайдаланушы үшін айына пайдаланылатын деректер тасымалы пайдаланушылардың өткізу мүмкіндігі төмен немесе жоғары әрекеттер орындауына байланысты әртүрлі болады, бірақ бұлт қызметтері провайдерлерінің басым көбі трафиктің өсуіне бейімделеді.

Шын мәнінде, Outline-ды пайдалану әрекеті Jigsaw және Google үшін толығымен жасырылған. Біз жеке басыңызды немесе трафигіңізді қадағаламаймыз және бұдан пайда табу жоспарымыз жоқ. Керісінше өз пайдаланушыларымызды бағдарламалық құралмен тегін қамтамасыз ету үшін біз ашық кодты бағдарлама әзірлеушілерінің қауымдастығымен жұмыс істейміз. Біз жинайтын деректер туралы толық ақпарат мына жерде берілген.