Sa kushton funksionimi i Outline?

Softueri i Outline është falas për çdo person, pavarësisht nëse je një administrator serveri që menaxhon rrjetin VPN apo dikush që e përdor Outline për qasje në internetin e hapur.

Sidoqoftë, Outline kërkon qasje në një server në renë kompjuterike për të funksionuar. Administratorët e serverëve që kanë tashmë qasje në një server mund ta instalojnë Outline në të pa kosto shtesë. Ata që nuk kanë qasje në një server, mund të marrin qasje nga një ofrues i shërbimeve të resë kompjuterike, si p.sh. DigitalOcean ose Amazon Web Services, për rreth 5 USD në muaj për 1 terabajtë sasi të lejuar për transferimin e të dhënave - kjo është e mjaftueshme për të mbështetur qindra përdorues në një server të vetëm.

Një shembull se si mund të llogaritësh se sa do të kushtojë funksionimi i Outline me ofruesin tënd të zgjedhur të shërbimit të resë kompjuterike:

Duke supozuar për një përdorim mesatar mujor prej 5 gigabajtë transferim të dhënash për përdorues, një plan me 5 USD në muaj do të lejonte rreth 200 përdorues në të njëjtën kohë, duke bërë që kostoja për përdorues të jetë vetëm 2,5 centë në muaj. Ki parasysh se transferimi i të dhënave që përdoret në muaj për përdorues do të variojnë ndjeshëm nëse përdoruesit kryejnë aktivitete me gjerësi të lartë ose të ulët bande, por shumica e ofruesve të shërbimit të resë kompjuterike do të kenë elasticitet për të përballuar rritjet e trafikut.

Në fakt, përdorimi i Outline është plotësisht anonim për Jigsaw dhe Google. Ne nuk e monitorojmë identitetin apo trafikun tënd dhe nuk ka një plan monetizimi. Në vend të kësaj, ne punojmë me komunitetin tonë të burimit të hapur për t'u siguruar që të mund ta ofrojmë softuerin pa kosto për përdoruesit tanë. Mëso më shumë për të dhënat që mbledhim këtu.