តើខ្ញុំអាចទទួលបានលេខកូដចូលប្រើដោយរបៀបណា?
Outline គឺមិនដូចសេវាកម្ម VPN ដែលអ្នកទិញសិទ្ធិចូលប្រើនោះទេ វាជាឧបករណ៍ដែលអាចឱ្យអ្នកដំណើរការ និងចែករំលែកសិទ្ធិចូលប្រើម៉ាស៊ីនមេ VPN ឯកជន។ អ្នកគ្រប់គ្រងសេវាកម្មគឺជាមនុស្សតែម្នាក់គត់ដែលអាចផ្ដល់លេខកូដចូលប្រើបាន។ ក្រុមការងារ Outline មិនចែកចាយលេខកូដចូលប្រើដែលឥតគិតថ្លៃ ឬគិតថ្លៃនោះទេ។ យើងមិនមានដៃគូផ្ដល់លេខកូដចូលប្រើ Outline ផ្លូវការនោះទេ លើកលែងតែ Paskoocheh ជាភាសាហ្វាស៊ីប៉ុណ្ណោះ។
ទាំងនេះគឺជាបីជម្រើសសម្រាប់ទទួលបានលេខកូដចូលប្រើ៖
- ស្នើឱ្យនរណាម្នាក់អញ្ជើញអ្នកឱ្យប្រើម៉ាស៊ីនមេរបស់គាត់៖ ប្រសិនបើអ្នកស្គាល់នរណាម្នាក់ដែលមានម៉ាស៊ីនមេ Outline សូមទាក់ទងទៅគាត់ ហើយស្នើសុំកូដចូលប្រើពីគាត់។
- បង្កើតម៉ាស៊ីនមេដោយខ្លួនឯង៖ ទាញយក Outline Manager ហើយរៀបចំម៉ាស៊ីនមេ Outline ឯកជនរបស់អ្នកផ្ទាល់ដោយប្រើកុំព្យូទ័រ Windows, Mac ឬ Linux។ យើងបានធ្វើឱ្យដំណើរការនេះមានភាពងាយស្រួលសម្រាប់គ្រប់គ្នាក្នុងការអនុវត្ត ជាពិសេសតាមរយៈក្រុមហ៊ុនផ្ដល់សេវាពពក DigitalOcean។
- ប្រើសេវាកម្ម Outline ឬ Shadowsocks៖ កម្មវិធីភ្ញៀវសម្រាប់ Outline ក៏អាចត្រូវបានប្រើជាមួយសេវាកម្មភាគីទីបីដែលប្រើ Outline ឬប្រូតូកូល Shadowsocks ផងដែរ។ ឧទាហរណ៍៖
- nthLink ដំណើរការសេវាកម្មឥតគិតថ្លៃដោយផ្អែកលើ Outline តាមរយៈកំណែកម្មវិធីភ្ញៀវសម្រាប់ Outline ដែលបានកែប្រែ។
- ASL19 ដំណើរការកំណែ Outline ដែលបានកែប្រែដែលហៅថា BeePass ក៏ដូចជាបូត Telegram ដែលផ្ដល់លេខកូដចូលប្រើឥតគិតថ្លៃដល់ម៉ាស៊ីនមេ BeePass។
- អ្នកប្រើប្រាស់ភាសាហ្វាស៊ីក៏អាចស្នើសុំកូដចូលប្រើ Outline ពី Paskoocheh របស់ ASL19 បានផងដែរ។
បន្ទាប់ពីទាញយកកម្មវិធីភ្ញៀវសម្រាប់ Outline សូមចម្លង និងដាក់កូដចូលប្រើរបស់អ្នកចូលទៅក្នុងកម្មវិធីភ្ញៀវសម្រាប់ Outline ដើម្បីភ្ជាប់ជាមួយម៉ាស៊ីនមេ Outline។