Skip to main content

Outline-г ашиглах үеийн аюулгүй байдал, нууцлал

Outline-г ашиглах үеийн аюулгүй байдал, нууцлал

Outline таны онлайн захидал харилцааг хэрхэн хамгаалдаг вэ?​

Интернэтийн ачаалал нь таны дотоод сүлжээ эсвэл үндэсний сүлжээгээр дамжин аялж байхдаа тандалтад хамгийн өртөмхий байдаг.

Outline таны интернэтийн ачааллыг үндэсний сүлжээнд аялах үед шифрлэж, Outline серверт хүртэл нь шифрлэгдсэн хэвээр байлгаснаар таны захидал харилцааг хувийн байлгахад тусалдаг. Ачааллыг Outline-р шифрлэсэн үед сүлжээний үзэгчид таны зочилсон вебсайт эсвэл дамжуулж буй мэдээллийг шалгах боломжгүй.

Outline мөн танай улсаас хандах боломжгүй байж болох төгсгөл хоорондын аюулгүй захидал харилцааны хэрэгсэлд хандах эрхийг сэргээхэд тусалдаг.

Шифрлэлтийн стандарт​

Outline таны төхөөрөмж, Outline серверийн хоорондох харилцаа холбоог AEAD 256-бит Chacha2020 IETF Poly 1305 шифрийг ашиглан шифрлэдэг. AEAD шифр нь нууцлал, халдашгүй байдал, үнэн зөв байдлыг санал болгодог бөгөөд орчин үеийн техник хангамж дээр гайхалтай гүйцэтгэлийг үзүүлдэг.

Аюулгүй байдлын аудит​

2018 онд Outline-д Radically Open Security болон Cure53 гэх программ хангамжийг хамгийн сүүлийн үеийн аюулгүй байдлын стандартын дагуу шалгадаг дижитал аюулгүй байдлын бие даасан хоёр байгууллага аудит хийсэн. 2022 онд Radically Open Security нэмэлт аудит хийсэн бол 2024 онд Outline SDK-н аудитыг Cure53 хийсэн. Та тайлангуудыг эндээс унших боломжтой:

Нэргүй хэмжигдэхүүн, лог​

Outline нь хандалтын түлхүүр тус бүрд "шилжүүлсэн байт" байдлаар ашигладаг зурвасын өргөнийг хянадаг. Энэ мэдээлэл нь шаардлагатай бол серверийн администраторуудад зурвасын өргөний захиалгаа үүлэн серверийн үйлчилгээ үзүүлэгчтэйгээ тохируулах боломжийг олгодог хэдий ч Outline серверээр дамжсан бодит мэдээллийг харахыг зөвшөөрөхгүй.

Outline-н өгөгдөл, мэдээллийн цуглуулгын талаар нэмэлт мэдээлэл авна уу.

Аюулгүй байдал, нууцлалын түгээмэл асуултууд​

Outline намайг онлайнд нэргүй болгох боломжтой юу?​

Үгүй, Outline нь нэр далдлах хэрэгсэл биш. Outline таны нууцлалыг сүлжээний болзошгүй ажиглагчдаас хамгаалдаг.

Таны зочилдог вебсайтууд таныг нэвтрэхэд болон заримдаа хөтчийн дижитал хурууны хээ зэрэг техникээр таныг хэн болохыг таних боломжтой хэвээр тул Outline танд тэдгээр вебсайт дээр бүрэн нэргүй байх боломжийг санал болгодоггүй. Хөдөлгөөнт төхөөрөмжийн аппуудын хувьд орчин үеийн ихэнх ухаалаг утас оруулсан GPS-д найдах боломжтой тул суулгасан аппуудад таны проксигоос үл хамааран байршлыг тань сэргээхийг зөвшөөрдөг API-тай байдаг.

VPN-үүд ерөнхийдөө чухал хамгаалалт буюу ялангуяа интернэтийн тандалтын хамгаалалт санал болгодог хэдий ч онлайнаар ажиллахад үргэлж эрсдэл бий. VPN-тэй байсан ч ISP таныг хэн болохыг аль хэдийн мэдэж байгаа тохиолдолд таны сүлжээний ачааллыг ажиглах боломжтой бөгөөд энэ нь таны Outline серверийн IP хаягийг тодорхойлох боломжтой байж болно. Энэ мэдээллийг Outline серверт хандах эрхийг блоклох, таныг ихэвчлэн хэзээ онлайн байдаг зэрэг ашиглалтын загвар, магадгүй таны барагцаалсан байршлыг мэдэж авахад ашиглах боломжтой.

Хэн нэгэн намайг Outline-г ашиглаж байгааг мэдэх боломжтой юу?​

Магадгүй. Таны ханддаг платформ, үйлчилгээ таны холболт үүлэн серверээс ирж буйг хэлэх өндөр магадлалтай. Зарим үед тэд таныг VPN ашиглаж байгаа гэж дүгнэх боломжтой ч таны интернэтийн ачааллын контентыг харах боломжгүй байна.

Outline намайг болзошгүй бүх кибер аюулаас хамгаалдаг уу?​

Үгүй. Ямар ч хэрэгсэл дангаараа таныг болзошгүй бүх кибер аюулаас хамгаалахгүй. Outline танд нээлттэй интернэтэд хандах эрхийг өгч, ачааллыг тань шифрлэснээр нууцлалыг тань нэмэгдүүлдэг ч бид таныг хортой программ, фишинг зэрэг бусад төрлийн халдлагаас хамгаалах нэмэлт арга хэмжээ авахыг зөвлөж байна.

Онлайн хамгаалалтаа нэмэгдүүлэхийн тулд байгууллагынхаа кибер аюулгүй байдлын мэргэжилтэнтэй хамтран ажиллах талаар бодож үзнэ үү. Мөн та өөрийн асуудалд тохирох кибер аюулгүй байдлын хэрэгслийг сонгох талаар тодорхой зааварчилгаа өгөх зорилгоор бүтээгдсэн Security Planner вебсайтын аюулгүй байдлын тэргүүлэх мэргэжилтнүүдээс хувийн болгосон заавар авч болно.

Та мөн Jigsaw-с Intra, Project Shield, Нууц үгний дохиолол зэрэг кибер аюулгүй байдлын бусад бүтээгдэхүүнийг сонирхох боломжтой.

VPN ашиглах нь хууль ёсных уу?​

Outline сервер ажиллуулах эсвэл аппыг ашиглахаасаа өмнө орон нутгийн хууль, журмаа болон ашиглахаар төлөвлөж буй үүлэн үйлчилгээ үзүүлэгчийнхээ Үйлчилгээний нөхцөлийг шалгана уу.