Skip to main content

Автоматизирано поставување на Google Cloud

Преглед​

Outline Manager опфаќа функција што ви овозможува автоматски да конфигурирате сервер на Outline на сервер што се извршува во Google Cloud. Ако одлучите да ја користите функцијава, Outline Manager ќе побара да се најавите со вашата сметка на Google, со што ќе се доделат одредени дозволи наOAuth на вашата локална инсталација на Outline Manager за целите на конфигурирање на вашата сметка на Google Cloud.

Ако не сакате да ги обезбедите дозволиве, може да ги следите инструкциите за напредно поставување во Outline Manager за извршување на Outline на Google Cloud Platform.

Дозволите се доделени​

За да обезбеди автоматизирано поставување, Outline Manager ги бара следниве дозволи од вашата сметка на Google.

Google Cloud Platform​

  • да ги прегледува и да управува со вашите ресурси на Google Compute Engine
  • да ги прегледува податоците на услугите на Google Cloud и да ја гледа адресата на е-пошта на вашата сметка на Google

Основни податоци за сметката​

  • да ја гледа основната адреса на е-пошта на вашата сметка на Google
  • да ве поврзува со вашите лични податоци на Google

Дополнителен пристап​

  • да управува со проектите на Cloud Platform
  • да ги прегледува и да управува со вашите сметки за наплата на Google Cloud Platform
  • да управува со конфигурацијата на услугата Google API

Дозволиве ни овозможуваат да поддржуваме напредни функции за управување со вашите сервери на Outline, а и да ви овозможиме:

  • да ја изберете точната сметка за наплата
  • да создадете нов проект за да ги организирате вашите сервери на Outline
  • да ги наведете достапните центри за податоци
  • да создадете нова виртуелна машина за извршување на Outline
  • да ја конфигурирате новата виртуелна машина со Outline

Повлекување дозволи​

Може да го повлечете пристапот до Google Cloud Platform за Outline Manager прекуМоја сметка. Ако го повлечете пристапот, сите сервери што сте ги создале со автоматизираното поставување ќе продолжат да се извршуваат, но веќе нема да се појавуваат во Outline Manager. За да го вратите пристапот до нив, само поврзете се на Google Cloud Platform повторно така што ќе го започнете автоматизираниот тек на поставување.

Организирање проекти на Outline​

Автоматизираното поставување на Google Cloud користи еденпроект на Google Cloud за да ги организира вашите сервери на Outline. Проектот се создава при првото користење на автоматизираното поставување, со предложен ID на проект што започнува со „Outline-“, по што следува низа знаци по случаен избор. Ако сакате, при создавањето може да изберете друг ID на проект. Проектот ќе се вика „Сервери на Outline“.

Сметка за наплата​

Проектите на Google Cloud бараат поврзана „сметка за наплата“ што ги дефинира податоците за плаќање. При првото користење на автоматизираното поставување на Google Cloud, ќе треба да наведете сметка за наплата за да се поврзе со вашите сервери на Outline. Понекогаш некој од серверите ќе престане да се извршува бидејќи има проблем со сметката за наплата. Во таков случај, треба да се најавите наконзолата на Google Cloud, да го најдете проектот на Google Cloud поврзан со Outline (наречен „Сервери на Outline“) и да ги ажурирате поставките за наплата.

Бришење сервери​

Ако сакате да ги избришете вашите сервери создадени со автоматизираното поставување, тоа најлесно може да се направи од Outline Manager. Сепак, ако сакате да ги избришете серверите лично, може да се најавите наконзолата на Google Cloud, да го најдете проектот создаден при првичното поставување (наречен “Сервери на Outline“), па или да ги избришете ресурсите таму или да го исклучите проектот.