Google Cloud-ის ავტომატიზებული დაყენება
გადახედვა
Outline Manager-ს აქვს ფუნქცია, რომლითაც ავტომატურად შეგიძლიათ Outline-ის სერვერის კონფიგურაციის დაყენება სერვერზე, რომელიც გაშვებულია Google Cloud-ში. თუ ამ ფუნქციას აირჩევთ, Outline Manager გთხოვთ შესვლას თქვენს Google ანგარიშში, რომელიც მოგანიჭებთ გარკვეულ OAuth ნებართვებს Outline Manager-ის თქვენს ადგილობრივ ინსტალაციაზე თქვენი Google Cloud ანგარიშის კონფიგურირების მიზნით.
თუ ამ ნებართვების მინიჭება არ გსურთ, მიჰყევით გაფართოებული დაყენების ინსტრუქციას Outline Manager-ში, რათა Outline გაუშვათ Google Cloud Platform-ზე.
მინიჭებული ნებართვები
ავტომატიზებული დაყენების უზრუნველსაყოფად Outline Manager საჭიროებს შემდეგ ნებართვებს თქვენი Google ანგარიშიდან.
Google Cloud Platform
- თქვენი Google Compute Engine-ის რესურსების ნახვა და მართვა
- თქვენი მონაცემების ნახვა Google Cloud სერვისებში და თქვენი Google ანგარიშის ელფოსტის მისამართის ნახვა
ანგარიშის საბაზისო ინფორმაცია
- თქვენი Google ანგარიშის ძირითადი ელფოსტის მისამართის ნახვა
- თქვენი დაკავშირება Google-ში არსებულ თქვენს პერსონალურ ინფორმაციასთან
დამატებითი წვდომა
- თქვენი Cloud Platform-ის პროექტების მართვა
- თქვენი Google Cloud Platform-ის ბილინგის ანგარიშის ნახვა და მართვა
- თქვენი Google API სერვისის კონფიგურაციის მართვა
ამ ნებართვებით შეგვიძლია მხარი დავუჭიროთ გაფართოებულ ფუნქციონალობას თქვენი Outline-ის სერვერების სამართავად, მათ შორის, შემდეგს:
- თქვენთვის ნების დართვა, აირჩიოთ სწორი ბილინგის ანგარიში
- ახალი პროექტის შექმნა თქვენი Outline-ის სერვერების ორგანიზებისთვის
- ხელმისაწვდომი მონაცემთა ცენტრების ჩამონათვალის შექმნა
- ახალი ვირტუალური მანქანების შექმნა Outline-ის გასაშვებად
- ახალი ვირტუალური მანქანის კონფიგურირება Outline-ით
ნებართვების გაუქმება
შეგიძლიათ გააუქმოთ წვდომა Google Cloud Platform-ზე Outline Manager-ისთვის ჩემი ანგარიშის მონახულებით. თუ წვდომას გამოიხმობთ, ნებისმიერი სერვერი, რომელიც შექმენით ავტომატიზებული დაყენებით, გაშვებული დარჩება, მაგრამ აღარ გამოჩნდება Outline Manager-ში. მათთვის წვდომის აღსადგენად, უბრალოდ, ხელახლა დააკავშირეთ Google Cloud Platform-თან ავტომატიზებული დაყენების ნაკადის დაწყებით.
Outline-ის პროექტის ორგანიზაცია
Google Cloud-ის ავტომატიზებული დაყენება იყენებს ერთGoogle Cloud პროექტს თქვენი Outline-ის სერვერების ორგანიზებისთვის. პროექტი იქმნება ავტომატიზებული დაყენების პირველი გამოყენების დროს, პროექტის შემოთავაზებული ID-ით, რომელიც იწყება სიტყვით „Outline-“ და გრძელდება შემთხვევითი სიმბოლოებისგან შედგენილი ფრაზით. შექმნისას შეგიძლიათ აირჩიოთ სხვა პროექტის ID, თუ ასე გირჩევნიათ. პროექტს დაერქმევა „Outline-ის სერვერები“.
ბილინგის ანგარიში
Google Cloud პროექტები საჭიროებს „ბილინგის ანგარიშს“, რომელიც გადახდის ინფორმაციას განსაზღვრავს. როდესაც პირველად იყენებთ Google Cloud-ის ავტომატიზებულ დაყენებას, მოგეთხოვებათ ბილინგის ანგარიშის მითითება Outline-ის სერვერებთან ასოცირებისთვის. ზოგჯერ სერვერის გაშვება წყდება ბილინგის ანგარიშის პრობლემის გამო. ასეთ შემთხვევაში უნდა შეხვიდეთ სისტემაში Google Cloud კონსოლში, მოძებნოთ Google Cloud პროექტი, დაკავშირებული Outline-თან (სახელწოდებით „Outline-ის სერვერები“) და განაახლოთ ბილინგის პარამეტრები.
სერვერების განადგურება
თუ გსურთ ავტომატიზებული დაყენებით შექმნილი თქვენი სერვერების განადგურება, ამის გაკეთება ყველაზე ადვილია Outline Manager-იდან. თუმცა, თუ გსურთ სერვერები თვითონ გაანადგუროთ, შეგიძლიათ შეხვიდეთ სისტემაში Google Cloud კონსოლში, იპოვოთ პროექტი, რომელიც თავდაპირველი დაყენების დროს შეიქმნა (სახელწოდებით „Outline-ის სერვერები“) და ან წაშალოთ რესურსები მასში, ან გამორთოთ პროექტი.