Терминология

VPN деген не?

Виртуалдық жеке желі (VPN) – құрылғылар мен хост сервер арасындағы жеке байланыс. VPN пайдаланған кезде, трафигіңіз интернет провайдеріне көрінбейді. VPN желісі келесі жағдайларда пайдалы болуы мүмкін:

• қоғамдық Wi-Fi желісін пайдалану барысында деректерді қорғау;
• браузерді пайдалану деректеріңізді интернет провайдері мен үкіметтік агенттіктерден құпия ұстау;
• әлем бойынша түрлі дереккөздердегі цензурасыз контентке кіру.

Outline қызметі дәстүрлі VPN желілерінен қалай ерекшеленеді?

Интернет провайдерлері қарапайым қауіпсіздік протоколдарын және/немесе трафик көлемінің үлгілерін тану арқылы дәстүрлі VPN желілерін оңай анықтай және блоктай алады. Outline дәстүрлі VPN желілеріне қарағанда тұрақты, өйткені оны жасауға қолданылған протокол қиын анықталады, сәйкесінше оны блоктау да қиын болады. Outline цензураның күрделі түрлеріне, соның ішінде желі бойынша блоктауға және IP мекенжайын блоктауға қарсы тұрады.

Outline сервері деген не?

Outline сервері рұқсаты бар пайдаланушылар қосылатын VPN желісін іске қосады. Жаңа желі құрып жатсаңыз, Outline сервері сияқты өзіңіздің қорғалған серверіңізді (бар болса) немесе төмендегілер сияқты бұлт қызметтері провайдерін пайдалана аласыз:

• DigitalOcean;
• Google Cloud Platform (GCP);
• Amazon Web Services (AWS).

Outline Manager қызметінде серверіңізді реттейсіз.

Қызмет менеджері деген не?

Қызмет менеджері – Outline серверін реттеуге және кіру кілттерін пайдаланушылармен бөлісуге жауапты адам. Қызмет менеджері әдетте серверді пайдалану құнына жауап береді.

Рұқсат кілті деген не?

Кіру кілті қолданыстағы Outline серверіне кіруге және VPN желісіне қосылуға пайдаланылады. Қызмет менеджері рұқсат кілтін береді немесеOutline серверін өзіңіз реттей аласыз. Мұнда кіру кілті қандай болатыны туралы мысал келтірілген (тек үлгі ретінде; жұмыс істемейді)

ss://[email protected]:39485/?outline=1

Outline Manager деген не?

Outline Manager – қызмет менеджеріне Outline серверін конфигурациялауға, рұқсат кілттерін жасауға және әр кілт үшін трафик шектерін қоюға мүмкіндік беретін компьютерге арналған қолданба. Outline Manager қолданбасының соңғы нұсқасыносы жерден немесеосы жерден жүктеп ала аласыз.

Outline клиенті деген не?

Outline клиенті – компьютерге және мобильдік құрылғыға арналған қолданба, ол рұқсат кілтімен Outline серверіне қосылуға және VPN желілеріне кіруге мүмкіндік береді. Outline клиентінің соңғы нұсқасыносы жерден немесеосы жерден жүктеп ала аласыз.

Трафик шектері деген не?

Outline Manager шамадан тыс пайдалануға жол бермей, шығындардың болжалды шамада қалуын қамтамасыз ету үшін қызмет менеджерлеріне рұқсат кілттері бойынша соңғы 30 күндік трафик шегін орнатуға мүмкіндік береді. Қызмет менеджерлері әр кілтке қолданылатын әдепкі шекті орната алады, сонымен қатар әдепкі шекті қайта анықтайтын етіп, кез келген кілтке басқа шек қоя алады. Орнатылған шек дереу күшіне енеді және сағат сайын іске қосылады.

Егер қызмет менеджерлері көрсеткіштерді Jigsaw-мен бөлісуді таңдаса, олар трафик шектерін пайдалану жөнінде қалай есеп берілетіні туралы мәліметтердідеректер жинау саясатынан көруі керек.